Wel dyma wythnos arall wedi mynd, ac eto dwi heb gael lot o gyfle i sgwennu ar y blog, ond dyna fo. Bethbynnag ar y rhaglen dydd Sul mi wnes gyflwyno albwm yr wythnos yr wythnos yma sef Adlais gan Dan Amor.
I'r rhai ohonach sydd ddim yn adnabod Dan dyma ychydig amDANo! (sori mi oedd hwna'n uffernol!)

Magwyd Dan Amor ym mhentref Penmachno, Dyffryn Conwy, ac maen dal i fyw yno hyd heddiw. Ymddengys bod cerddoriaeth yn rhedeg yn y teulu; enillodd ei Nain gadair Eisteddfod am ei chanu yn y tridegau. Yn gyn brif ganwr gydar grwp pop/roc Gabrielle 25, bydd gwrandawyr Tudno FM yn gyfarwydd a chaneuon chwerwfelys, melodig Dan fel Yr Aifft yn yr Haul a Cantores yr Haf. Mae hefyd wedi cael cryn dipyn o lwyddiant fel artist unigol, gydai ddeunydd yn cael ei chwarae yn Siapan, Ewrop ac America. Chwaraeodd John Peel ddwy oi ganeuon, a gwelwyd adolygiad positif oi EP diwethaf yn y cylchgrawn cenedlaethol Record Collector.

Mae Dan wedi rhyddhau 'Adlais', ei ail albwm, ar ei label recordio ei hun 'Recordiau Cae Gwyn'. Mae'n cynnwys pum can Saesneg a phum can Gymraeg. Ceir dylanwad gerddorol cryf o'r 60au a'r 70au ar yr albwm.

Recordiwyd wyth o'r deg trac yn Nyffryn Ogwen gan John Lawrence. Recordiwyd dau drac yn Stiwdio Ofn gyda Gorwel Owen

Mae band byw Dan hefyd yn chwarae ar yr albwm: Euron Jones (acwstig a gitar drydan, gitar pedal ddur ), Dion Huws (drymiau) a Rich Durrell (bas).
Traciau:

Disgyn Mewn I Freuddwyd

Glas Ac Aur

Gwin, Gwlith, Gwawr

Hills

Once In A Lifetime

Waliau

Passage Of Time

Llygredd Golau

Worked It Out

Whitesands Bay

Wel dyna niAlbwm arall wych fel albwm yr wythnos.
Dwi yn mynd i ffwrdd am wythnos wan felly mi welai chi mewn rhyw 5 diwrnod. Cofiwch wrando ar nod pob noson or wythnos rhwng 6 a 8 (9 ar nos Fawrth!)
Ta ta tan toc!
Derfel.